Жил бүр уламжлал болгон зохион байгуулдаг бакалавр оюутны Эрдэм шинжилгээний хурал 2022 оны 03 дугаар сарын 01-15-ны өдрүүдэд цахим хэлбэрээр амжилттай зохион байгуулагдлаа. Уг хурал нь оюутан залуусын судалгааны ажлын ур чадварыг дээшлүүлэх, онолын мэдлэгийг бататгах, техник сэтгэлгээг хөгжүүлэх, харилцан туршлага хуваалцах, хамтран ажиллах нөхцөл бололцоог бүрдүүлэх зорилготой юм. Эрдэм шинжилгээний хурлын I шатыг салбарууд 03 дугаар сарын 01-09-ны өдрүүдэд зохион байгуулж дараах илтгэлүүд шалгарч II шатны хуралд оров.

03 дугаар сарын 15-ны өдөр II шатны шалгаруулалтыг зохион байгуулав. Үнэлгээний комисст ЭНБ дарга Б.Аюурзана, дэд профессор Э.Пүрэв-Эрдэнэ, дэд профессор Б.Лхагвадулам, дэд профессор П.Сэргэлэн, ахлах багш Цас-Оргилмаа, ахлах багш О.Алтанзагас, ахлах багш Ц.Уранцэцэг нар ажиллаж Асуудлаа тодорхойлсон байдал, хэрэглээ, ач холбогдол, Тухайн асуудлыг шийдвэрлэсэн байдал, онцлог шийдэл, Техник технологи, эдийн засгийн судалгаа, тооцоолол, Илтгэх ур чадвар/Асуулт хариулт, Өгүүлэл бичих стандарт шаардлага хангасан эсэх шалгуур үзүүлэлтээр дүгнэлээ.

Тэргүүн байрыг Архитектурын салбарын багш Э.Сэлэнгэ удирдагчтай Архитектур мэргэжлийн оюутнууд Д.Лхагвадулам, Ө.Энхжин, Д.Бат-Амгалан нарын “Архитектурын мэргэжлийн дизайны хичээлийн анги танхимын судалгаа” сэдэвт илтгэл;

Дэд байрыг Архитектурын салбарын ахлах багш А.Өэлүн удирдагчтай Архитектур мэргэжлийн оюутнууд Б.Мядагбадам, А.Цэлмүүн нарын “Ногоон дээвэр” сэдэвт илтгэл;

Гутгаар байрыг Барилгын инженерийн салбарын профессор Д.Сүнжидмаа удирдагчтай Барилгын материал үйлдвэрлэлийн технологи мэргэжлийн оюутнууд Ц.Нямбаяр, Б.Энхтүвшин, О.Мөнхбаяр, Г.Дулмаа нарын “Монгол орны түүхий эдийг ашиглан хуурай паалан болон эмульс гарган авах технологийн судалгаа” сэдэвт илтгэл;

Тусгай байрыг Барилгын инженерийн салбарын ахлах багш Б.Буянжаргал удирдагчтай Барилгын материалын үйлдвэрлэлийн технологийн мэргэжлийн оюутнууд А.Даваанаран, Х.Эрдэнэбаяр, Б.Самбуу, С.Хонгор нарын “Бетоны шинж чанарт дүүргэгчийн карбонат эрдсийн нөлөөллийн судалгаа” сэдэвт илтгэл, Хүрээлэн буй орчны инженерийн салбарын эрхлэгчийн үүрэг гүйцэтгэгч Ж.Даваацэрэн удирдагч Ус хангамж ариутгах татуурга мэргэжлийн оюутнууд Д.Энхжаргал, Б.Гал-Эрдэнэ, О.Дашдондог, Б.Түмэнхүслэн, Ц.Анхбаяр нарын “Ариун цэврийн өрөөний бие даасан үнэлгээ хийж, ус алдагдлаас хамаарсан асуудлыг судлах” сэдэвт илтгэлээр тус тус эзлэв.

Бакалавр оюутны эрдэм шинжилгээний ажил амжилттай удирдан оролцуулж, идэвх санаачилгатай ажилласан Барилгын инженерийн салбарын профессор Д.Сүнжидмааг "Шилдэг удирдагч багш"-аар шалгаруулав.

Нийт шалгарсан судлаачдадаа зорьсондоо хүрэх итгэл, зүтгэл, эрмэлзлээрээ дүүрэн байж цаашдын эрдэм судлалын ажилдаа амжилт гаргахыг хүсэн ерөөе.

Мэдээ бэлтгэсэн БАС-ЭША