ШУТИС болон МУИС нь Европын холбооны ЭРАСМУС+ хөтөлбөрийн хүрээнд “Уур амьсгалын өөрчлөлтөд дасан зохицсон усны менежментийн ахисан түвшний сургалт Graduates for Climate Change adapted water management – CC Water” төслийг 2021-2024 онд хэрэгжүүлэн ажиллаж байна. Уг төслийн хүрээнд олон улсын туршлагад үндэслэн Монгол орны онцлогт тулгуурлан ШУТИС -д хэрэгжүүлж буй Усны барилга байгууламжийн магистрын хөтөлбөр, МУИС-д хэрэгжүүлж буй Байгалийн нөөцийн менежмент, Ус судлалын хөтөлбөрт уур амьсгалын өөрчлөлтөд дасан зохицох чиглэлээр олон улсын түвшинд нийцсэн хичээлийн хөтөлбөрүүдийг боловсруулан оруулах зорилготой ажиллаж байна. Хөтөлбөрт боловсруулах хичээлүүдийн агуулга төгсөгчдийн чадамжийг сайжруулж, ажил олгогчийн хэрэгцээнд нийцсэн, нийгэмд шаардлагатай байгаа асуудлуудыг шийдвэрлэхүйц байхын тулд тухайн хөтөлбөрүүдийн өнөөгийн нөхцөл байдалд үнэлгээ хийж, цаашид сайжруулах арга хэмжээг оролцогч талуудын дэмжлэгтэйгээр тодорхойлох шаардлагатай байгаа юм.
Энэ ажлын хүрээнд 2022 оны 10 сарын 19-ны өдөр ШУТИС Төв номын сангийн 604 тоотод “Усны салбарын мэргэжлүүдийн ахисан түвшний сургалтын чанар, сайжруулах арга хэмжээ” нэртэй хэлэлцүүлгийг төслийн багийн гишүүд, оролцогч талуудын төлөөлөлтэй зохион байгууллаа.
Хэлэлцүүлгийн зорилго: Төсөлд хамрагдаж буй усны салбарын мэргэжлийн хөтөлбөрүүдийн чанарыг хэлэлцэх, ажил олгогч, их сургууль, магадлан итгэмжлэлийн байгууллагуудын үйл ажиллагаа, хэрэгцээ шаардлагын уялдаа холбоог тодруулах, хөтөлбөрүүдийг сайжруулах баримтлах чиглэлүүдийг тодорхойлоход оршино.
Хэлэлцүүлгийн оролцогч талууд: Хөтөлбөрийн оюутнууд, төгсөгч, хөтөлбөрийг хэрэгжүүлэгч багш, ажилчид, ажил олгогчид, усны асуудал эрхэлсэн төрийн байгууллагын хүний нөөц, бодлого төлөвлөлтийн хэлтэс, хөтөлбөрийн дотоод чанарын баталгаа хариуцсан мэргэжилтэн, боловсролын магадлан итгэмжлэлийн байгууллагын төлөөлөл
Хэлэлцүүлгийн үр дүн: Хэлэлцүүлэгт CC Water төслийн танилцуулга, чанарын баталгаажуулалттай холбоотой хийгдсэн ажлууд, бусад сургуулиудын чанарын баталгаажуулалтын туршлагуудыг танилцуулсны дараа
гэсэн гурван агуулгын хүрээнд хэлэлцүүлэг өрнүүлсэн.
Хэлэлцүүлгээс
гэсэн зүйлсэд CC Water төсөл болон төсөл хэрэгжүүлэгч ШУТИС, МУИС анхаарал хандуулан ажиллах шаардлагатай байгаа нь тодорхойлогдов.
МЭРГЭЖИЛ СУРТАЛЧЛАХ ӨДӨРЛӨГҮҮД ЭХЭЛЛЭЭ.
"Зам, тээврийн салбарын нээлттэй өгөгдлийн портал сайт" танилцуулга
Австрали улсын Куртин их сургуультай хамтарсан хөтөлбөр хэрэгжүүлэх чиглэлээр ажиллахаар боллоо.
Нагаока Технологийн Их Сургуультай хамтарсан хөтөлбөр хэрэгжүүлэх
“УС - ХӨГЖЛИЙН ТҮЛХҮҮР” СЭДЭВТ ОЮУТНЫ ЭРДЭМ ШИНЖИЛГЭЭ, ОНОЛ ПРАКТИКИЙН XVIII БАГА ХУРАЛ