Бакалавр оюутны Эрдэм шинжилгээний хурал 2023 оны 09 дугаар сарын 08-ны өдрөөс 11 дүгээр сарын 07-ний өдрүүдэд амжилттай зохион байгуулагдлаа. Уг хурал нь оюутан залуусын судалгааны ажлын ур чадварыг дээшлүүлэх, онолын мэдлэгийг бататгах, техник сэтгэлгээг хөгжүүлэх, харилцан туршлага хуваалцах, хамтран ажиллах нөхцөл бололцоог бүрдүүлэх зорилготой юм. Эрдэм шинжилгээний хурлын I шатыг салбарууд 10 дугаар сарын 20-27-ны өдрүүдэд зохион байгуулж дараах илтгэлүүд шалгарч II шатны хуралд оров.

2023 оны 11 дүгээр сарын 07-ний өдөр II шатны шалгаруулалтыг зохион байгуулав. Архитектурын багш доктор (PhD) Б.Ариунжаргалан хуралд оролцож буй оюутнуудад зориулж судалгааны ажил, судалгааны ажлын арга зүйн талаар лекц уншив.

Энэ удаагийн эрдэм шинжилгээний хурлын ивээн тэтгэгч байгууллагаар “NCD group” оролцож ахлах архитектор Б.Жавхлантөгс компаний үйл ажиллагаа, хийж гүйцэтгэж буй онцлог төслүүдийг танилцуулав. NCD GROUP нь 2002 оноос барилга угсралт, зураг төслийн чиглэлээр үйл ажиллагаа явуулж байгаа бөгөөд 2008 оноос орон сууцны томоохон цогцолбор төслүүд хэрэгжүүлж эхэлсэн ба компанийн үйл ажиллагаа өргөжин тэлсээр өдгөө төсөл хөгжүүлэлт, мод үржүүлэг, металл цонх хаалга, шилэн фасад, тавилгын үйлдвэрлэл, барилгын хийц эдлэлийн үйлдвэрлэл, монгол гэр, модон эдлэлийн үйлдвэрлэл, монгол соёл, өв уламжлалын төв бүхий онлайн худалдаа, гадаад худалдааны чиглэлээр үйл ажиллагаагаа явуулж байна.

Үнэлгээний комисст ЭНБ дарга Б.Аюурзана, дэд профессор Н.Насанбаяр, дэд профессор Ч.Оюунжаргал, ахлах багш Г.Адъяажав, багш Б.Ариунжаргалан, багш Х.Баатарсүрэн, “NCD group”-ын ахлах архитектор Б.Жавхлантөгс нар ажиллаж асуудлаа тодорхойлсон байдал, хэрэглээ, ач холбогдол, тухайн асуудлыг шийдвэрлэсэн байдал, онцлог шийдэл, техник технологи, эдийн засгийн судалгаа, тооцоолол, илтгэх ур чадвар, асуулт хариулт, өгүүлэл бичих стандарт шаардлага хангасан эсэх шалгуур үзүүлэлтээр дүгнэлээ.

Тэргүүн байрыг ХБОИС-ын ахлах багш Б.Мөнхбаяр удирдагчтай Х.Чанцалмаа, Б.Од нарын “Барилгын шилэн гадаргууд дулаан тусгаарлах хальсны үзүүлэх нөлөөлөл” сэдэвт илтгэл;

Дэд байрыг ИБС-ын дэд профессор С.Хаснавч удирдагчтай Х.Мөнгөнзэв Б.Ариунжаргал Д.Төгөлдөр Д.Ганзориг нарын “Дадлагын хичээлээр гүүрэнд үзлэг хийсэн ажлын үр дүн” сэдэвт илтгэл;

Гутгаар байрыг ХБОИС-ын дэд профессор Ц.Уранцэцэг удирдагчтай Х.Сэлэнгэ, О.Батчимэг, Б.Билгүүн нарын “Хуваарилагчтай усан халаалтын системийн харьцуулсан судалгаа” сэдэвт илтгэл;

Тусгай байрыг БИС-ын ахлах багш Т.Зориг, багш Б.Батзаяа, ахлах багш Г.Ариунаа удирдагчтай Б.Мөнхжаргал, Г.Ганцэцэг, Д.Шинэ-Эрдэнэ, Х.Жавхлан, Ц.Энхбат нарын “Хэв хашмалын самбарын харьцуулсан судалгаа” сэдэвт илтгэл тус тус эзлэв.

Амжилттай оролцсон багуудад өргөмжлөл, кредитийн урамшуулал, дурсгалын зүйл, ивээн тэтгэгч байгууллага NCD группийн мөнгөн тэтгэлэг (1-р байр 800 000 төгрөг, 2-р байр 600 000 төгрөг, 3-р байр 400 000) гардуулав.

“Сайжруулсан шахмал түлшний шааргыг дахин ашиглан барилгын хөнгөн дүүргэгч материал гарган авах боломж” сэдэвт судалгааны ажлаараа видео контентын уралдаанд бүтээлээ ирүүлж идэвх санаачилгатай оролцсон БИС-ын дэд профессор Ц.Оюунцацрал, дэд профессор П.Сэргэлэн удирдагчтай М.Бэрцэцэг, Б.Анхчимэг, Ө.Солонго, Б.Хулан, Ё.Цэнд-Аюуш нарт баяр хүргэж өргөмжлөл, Смарт Грийн Девелопмент“ ХХК 400 000 төгрөгийн мөнгөн тэтгэлэг, Жи Жи Ай ХХК-ийн “Барилга урлах эрдэм” 9-н боть ном гардуулав.

Бичлэгийг дараах холбоосоор сонирхоно уу. Холбоос: https://www.youtube.com/watch?v=_sAbtNsS5Iw

Үнэлгээний комиссоос ШУТИС-ийн оюутны шилдэг өгүүлэл шалгаруулах уралдаанд оролцох дараах багуудыг тодорхойлсон ба ШУТИС-ийн Эрдмийн чуулганд оролцох болсон оюутнууддаа амжилт хүсье.

     Бакалавр оюутны эрдэм шинжилгээний ажил амжилттай удирдан оролцуулж, идэвх санаачилгатай ажилласан удирдагч багш нарт баяр хүргэе.

       Нийт оролцсон оюутнууддаа зорьсондоо хүрэх итгэл, зүтгэл, эрмэлзлээрээ дүүрэн байж цаашдын эрдэм судлалын ажилдаа амжилт гаргахыг хүсэн ерөөе.

Мэдээ бэлтгэсэн БАС-ЭША