БАРИЛГА АРХИТЕКТУРЫН СУРГУУЛИЙН ЭРДЭМ ШИНЖИЛГЭЭНИЙ БАГА ХУРАЛ ЗОХИОН БАЙГУУЛАГДЛАА

     Жил бүр уламжлал болгон зохион байгуулдаг Доктор, магистр, бакалавр оюутны Эрдэм шинжилгээний бага хурал 2019 оны 03-р сарын 05-19-ний өдрүүдэд амжилттай зохион байгуулагдлаа. Уг хурал нь залуу судлаачдын эрдэм шинжилгээ, судалгааны ажлыг дэмжин урамшуулах, судалгааны ажлын үр дүнг хэлэлцүүлэх, зөвлөгөө авах, эрдэм шинжилгээ, судалгааны ажлыг олон нийтэд танилцуулах, харилцан туршлага хуваалцах, хамтран ажиллах нөхцөл бололцоог бүрдүүлэх зорилготой юм. Энэ удаагийн хурал ШУТИС-ийн 60 жилийн ойд зориулагдсан бөгөөд 2 үе шаттайгаар явагдав. I шат 03-р сарын 05-18-нд зохион байгуулагдав. I шатанд бакалавр оюутны 15 өгүүлэл, магистр оюутны 23 өгүүлэл тус тус ирсэн бөгөөд өгүүлэл тус бүрийг мэргэжлийн 2 профессор багш уншиж хянав. I шатны шүүмжинд нийтдээ 32 профессор багш оролцсон бөгөөд бакалаврын 5, магистрын 11 өгүүллийг дараагийн шатанд шалгаруулав. ЭШХ-ын II шат 03-р сарын 19-ний өдөр зохион байгуулагдав.

 
            Бакалавр оюутны хуралд

Техник технологийн чиглэлийн Тэргүүн байрыг БИС-ын ахлах багш О.Алтанзагас удирдагчтай А.Доржсамбуу Н.Ууганцэцэг Д.Нацагням М.Очирбат Д.Уранзаяа нар "Хуучин модон барилгын дам нурууг хүчитгэх туршилт, судалгаа" сэдэвт илтгэл;

Дэд байрыг БЭХХТ-ийн мэргэжилтэн Ж.Ганхуяг удирдагчтай М.Мөнгөнзаяа "Дотор агаарын чанарыг сайжруулах агаар цэвэршүүлэгчийн хөгжүүлэлтийн туршилтын үр дүн" сэдэвт илтгэл;

Байгалийн ухааны чиглэлийн Тэргүүн байрыг ХБОИС-ын ахлах багш Б.Буянжаргал удирдагчтай С.Пүрэвхүү, Б.Билэгжаргал нар "Бетонд эрдэс нэмэлтийн нөлөө" сэдэвт илтгэл;

Нийгэм хүмүүнлэг, дизайн чиглэлийн Дэд байрыг Архитектурын салбарын багш Г.Цовоодаваа удирдагчтай М.Мичидмаа С.Цэнд-Аюуш П.Саруулцэцэг нар"Орон зай хүний сэтгэл зүйд нөлөөлөх нь: Берлин дэх еврейчүүдийн музей" сэдэвт илтгэлээр тус тус эзлэв.

       Бакалавр оюутны эрдэм шинжилгээний 3 ажил амжилттай удирдан оролцуулж, идэвхи санаачлагатай ажилласан Архитектурын салбарын багш Г.Цовоодавааг "Шилдэг удирдагч багш"-аар шалгаруулав.

Магистр оюутны хурлын Тэргүүн байрыг  БИС-ын эрхлэгч Я.Дүйнхэржав удирдагчтай А.Номинцацрал "Зэвэрсэн метал дамнурууг нийлэг материалаар хүчитгэх" сэдэвт илтгэл;

Дэд байрыг ХБОИС-ын ахлах багш Б.Лхагвадулам удирдагчтай Э.Доржпаламын "Лагийг боловсруулж үйлдвэрийн бохир ус цэвэрлэгээнд ашиглах нь" сэдэвт илтгэл;

Гутгаар байрыг ХБОИС-ын ахлах багш Б.Мөнхбаяр удирдагчтай Э.Нямрагчаа "Нарны агаарын коллекторын туршилтын үр дүн" сэдэвт илтгэл тус тус эзлэв.

     Магистрын оюутны эрдэм шинжилгээний 4 ажил амжилттай удирдан оролцуулж, идэвхи санаачлагатай ажилласан ХБОИС-ын ахлах багш Б.Мөнхбаярыг "Шилдэг удирдагч багш"-аар шалгаруулав.

Эрдэм шинжилгээний бага хуралд амжилттай оролцсон магистрант, докторант нарт өргөмжлөл, шагналыг БАС-ийн захирлын зөвлөлийн хуралдааны үеэр гардуулав.

Шалгарсан илтгэлүүд ШУТИС-ийн "Эрдмийн чуулган-2019", Магистрант, докторантын эрдэм шинжилгээний хуралд оролцох болно.

Нийт шалгарсан судлаачиддаа зорьсондоо хүрэх итгэл, зүтгэл, эрмэлзлэлээр дүүрэн байж цаашдын эрдэм судлалын ажилдаа амжилт гаргахыг хүсэн ерөөе.

Мэдээ бэлтгэсэн: БАС-ЭША