БНХАУлсын Харбин хотод зохион байгуулагдсан IFOST2018 сэдэвт хуралд ШУТИС БАС-ийн багш нар оролцоод ирлээ

13 удаагийн IFOST2018 хурал 5-р сарын 30-наас 6-р сарын 1 хүртэл БНХАУ-ын Харбин хотын ШУТИС дээр болж өнгөрлөө. Энэ удаагийн хурлыг Харбины шинжлэх ухаан технологийн их сургуулийн харьяа Материалын шинжлэх ухаан ба Инженерийн сургууль зохион байгуулсан болно.

IFOST2018 хурлын ажиллагаа албан ёсоор нээж тус сургуулийн ерөнхийлөгч Ли Даёон үг хэлсэн болно.

Энэ нээлтийн ёслолд тус хурлын албан ёсны гишүүн таван орон, гишүүн сургуулиудын оролцогч төлөөлөгчид болон Харбины ШУТИС-ийн 600 гаруй багш оюутнууд оролцлоо.

IFOST2018 хурал нь Шинэ материал ба Нано технологи, Мэдээлэл ба холбооны технологи, Механик инженерчлэл, робот ба автоматжуулалт, Цахилгаан эрчим хүч ба сэргээгдэх эрчим хүч, Экологи, хими хүрээлэгч орчин ба Барилгын инженер, Хавсарга шинжлэх ухааны инженерчлэл ба менежмент гэсэн үндсэн зургаан чиглэлээр явагдсан болно. Тус хуралд БНХАУ, ОХУ, Финланд, ХБНГУ, Өмнөд Солонгос, Монгол, Бангладеш, Тайван зэрэг орнуудаас ирж оролцсон байна.

Мөн хурлын нээлтэнд орон орны төлөөлөгчид баяр хүргэж үг хэллээ. Монгол улсыг төлөөлж ШУТИС-ийн профессор академич Содномдорж үг хэллээ.

IFOST 2018 хурлын нээлтийн ажиллагаа болон завсарлагаанаар постер илтгэлүүдийг хэлэлцэж байлаа.  

IFOST 2018 хуралд 10 улсаас нийт  347 илтгэл хүлээн зөвшөөрөгдсөн бөгөөд үүний 173 гадаадын 174 дотоодын илтгэл байсан байна.

Энэ хуралд нийт 347 илтгэл аман болон постер хэлбэрээр хэлэлцүүлэгдсэнээс Монголын талаас ШУТИС, БХИС болон Геоэкологийн хүрээлэн зэрэг байгуулагын 21 аман илтгэл, 27 постер илтгэл оролцсон байна.

 IFOST 2018 хуралд Монгол ШУТИС-иас оролцсон төлөөлөгчид

Тус хуралд оролцсон аман илтгэлүүдээс шилдэг илтгэлүүдийг шалгарууллаа. Монгол улсаас ШУТИС, БАС-ийн багш академич Д.Дашжамц excellent paper award, ШУТИС, БАС-ийн ахлах багш Н.Насанбаяр best paper award авсан байна.

 Шилдэг илтгэл БАС академич Д.Дашжамц, ахлах багш Н.Насанбаяр

Мэдээг бэлтгэсэн: ахлах багш Н.Насанбаяр