Төмөрбетоны аян-2017
ШУТИС-ийн Барилга Архитектурын Сургуулийн Барилгын Инженерийн Салбараас жил бүр зохион байгуулдаг “Төмөрбетоны аян” тэмцээн 2017 оны 09 сарын 18-с 10-р сарын 26-ны хооронд амжилттай болж өндөрлөлөө. Энэхүү аяны зорилго нь “Төмөрбетон бүтээц” хичээлээр олж авсан мэдлэгээ батжуулах, онол практикийг хослуулах, багаар ажиллах чадварыг хөгжүүлэх зорилготой юм. Аяны үйл ажиллагаа 3 үе шаттай явагдсан бөгөөд 1-р шат нь Төмөрбетон дамнурууг төсөллөн тооцож, арматурыг зангидан, бетон цутгаж, бэхжүүлэн турших, 2-р шат нь Ханын илтгэл, 3-р шат нь Эрдэм шинжилгээний хуралд илтгэл тавих уралдаан байв.
.JPG)
Энэ жилийн аяны онцлог нь ижил мэргэжлээр сургадаг, улсын хэмжээний их дээд сургуулийн оюутны төлөөлөл болох Үндэсний Батлан Хамгаалахын Их Сургуулиас -1 баг, Техник Технологийн Дээд Сургуулиас -4 баг, Монголын Үндэсний Их Сургуулиас -2 баг оролцсон явдал юм. Аяны уралдааныг “CABS” ХХК ивээн тэтгэж явууллаа.
Уралдааныг “Тулга проект” компаний захирал, МУ-ын зөвлөх инженер Г.Тулга, “Улаанбаатар барилга угсралт” ХХК-ий ерөнхий инженер Г.Чулуут, БАС-ийн эрдэмтэн нарийн бичгийн дарга Ц.Оюунцацрал нар шүүн, БАС-ийн дэд профессор М.Сугар, ахлах багш Д.Энхгэрэл, Д.Мягмарцэнд, Б.Жавхлан, Б.Эрдэнэдаваа Э.Одонтуяа нар бэлтгэн явуулав.
Аянд ШУТИС-н Барилга Архитектурын Сургууль, Үндэсний Батлан Хамгаалахын Их Сургууль, Техник Технологийн Дээд Сургууль, Үндэсний Их сургуулийн 100 гаруй оюутны 17 баг оролцсоноос:
-1-р байр “IMMENSE”, 2-р байр “SUFFICIENT”, 3-байр “BEAM BROS” /ТТДС/ багууд эзэлсэн ба, тусгай байрт “FLAME”, “INF”, “Практик”, “В14х6” багууд, шилдэг илтгэлд “BEAM BROS”, шилдэг ханын илтгэлд “IMMENSE” багууд шалгарч өргөмжлөл, мөнгөн шагнал хүртлээ.
1-р байр. “IMMENSE” баг
2-р байр. “SUFFICIENT” баг
.JPG)
3-байр “BEAM BROS” /ТТДС/ баг
Энэхүү аяны хүрээнд барилгын салбарын оюутнууд ханын илтгэлтэй танилцаж, мэдлэгээ дээшлүүллээ.
Аян болон тэмцээнд амжилттай, идэвхтэй оролцсон багийн оюутнууддаа цаашдын хичээл сурлага, бүтээлд амжилт хүсье.
Мэдээг бэлтгэсэн: Д.Энхгэрэл, Э.Бумбаяр
“Барилга угсралт-1” номын нээлт боллоо.
Барилга, архитектурын сургууль болон “Монгол базальт” ХК хоорондын харилцан ойлголцлын санамж бичигт гарын үсэг зурлаа.
S-Quad төслийн хүрээнд явагдаж байгаа судалгааны ажлын шалгаруулалтад амжилттай оролцож, судалгаа хийхээр шалгарч 10.000.000 воны тэтгэлэг авсан багийнханд баяр хүргэе.
“Инженерийн мэргэжлийн хөтөлбөрүүдийг шинэчлэн сайжруулах” дэд төслийн хүрээнд “Ухаалаг анги” байгуулах
ШУТИС, Барилга, Архитектурын Сургууль болон Элемент Медикал ХХК, Ханбогд вейст менежмент центр ХХК, Эко Орчин ХХК-тай хамтран ажиллах Санамж бичиг хийлээ.
