Шинэ ном хэвлэгдэн гарлаа.

      Барилга Архитектурын Сургуулийн Барилгын инженерийн салбарын багш Б.Оюунчимэгийн "Барилгын үнэ бүрдэл" ном хэвлэгдэн гарлаа.

      Барилгын үнэ бүрдэл, инженер технологийн мэргэжилтнийг бэлтгэж буй сургуулиудын оюутан суралцагчид, эрдэмтэн судлаачид болон барилгын салбарын ажилтнуудад зориулж энэхүү номыг бичлээ.

     Номыг барилга-хөрөнгө оруулалтын төсөл, барилгын үнэ бүрдэл, барилгын үйлдвэрлэлийн үр ашгийг дээшлүүлэх чиглэлээр хийсэн төсөл, судалгаа шинжилгээний ажил, эрдэм шинжилгээний өгүүлэл, барилгын салбарын хөгжлийн талаархи өөрийн болон гадаад орнуудын туршлага, эрдэмтэд судлаачдын бүтээлд тулгуурлан бичиж, 2010 оноос хойш ШУТИС-ийн эрдэм шинжилгээний бичиг, IEEE олон улсын эрдэм шинжилгээний хурлын эмхэтгэл, Барилгын мэдээлэл, Менежер, Барилга-Хөгжил зэрэг сэтгүүлд нийтлүүлсэн бүтээлүүд, хамтран боловсруулсан барилгын норм ба дүрмээс түүвэрлэн авч эмхэтгэн гаргасан болно.

     Уг ном нь хөрөнгө оруулалт, хөрөнгө оруулалтын үйл ажиллагаа, барилгын үнэ бүрдлийн тогтолцоо, барилгын төсөв, үнэ бүрдлийн талаархи гадаад орнуудын туршлага, ашигт ажиллагаа гэсэн дөрвөн хэсэг, арван гурван бүлэгтэй.

Утас: Б.Оюунчимэг 99861613

Номын нэг бүрийн үнэ: 15000 төгрөг.